Awrupa parlamentında Törkiyägä qarşı qarar
Törkiyä belän quşılu söyläşülären räsmi räweştä tuñdırırğa çaqırdılar
Awrupa parlamentı Awrupa Berlegen Törkiyä belän quşılu söyläşülären räsmi räweştä tuñdırırğa çaqırdı. Niderlandlı parlament äğ’zası Kati Piri tarafınnan xäserlängän xisap Franśiyäneñ Strassburg şähärendä General’ assambleyada tawışqa quyıldı. Ul 370 uñay tawış belän qabul itelde. 109 parlamentariy qarşı buldı, 143e tarafsız qaldı.
Rapor täq’dim sıyfatında häm anıñ tormışqa aşıru nigezlämäse yuq. Anda Törkiyä tarafınnan rizasızlıq belderelgän bik küp êlementlar sanaldı.
Ämma bu xisapqa qaramastan, Änkara belän Awrupa Berlege arasında diplomatik çaralarnıñ tizlege kimemi. İke tarafnıñ iñ yuğarı qarar organı bulğan “Urtaqlıq şurası” cıyılışı, yaqınça 4 yıl ütkännän soñ, irtägä Bel’giyä başqalası Brüssel’dä uzaçaq. Anda tışqı êşlär ministrı Mäwlet Çavuşoğlu häm Awrupa Berlege yuğarı wäkile Federika Mogerini citäkçelek itäçäk. Anda, şulay uq, berlek komissiyäseneñ kiñäyü öçen cawaplı äğ’zası Yoxannes Xan da qatnaşaçaq. Cıyılışta törek watandaşlarına viza irege, tamğaxanä berlegen yanartu, quşılu prośessındağı alğarış häm terrorçılıq belän köräştä xezmättäşlek mäs’äläläre telgä alınaçaq.
