Törkiyädä stipendiyäle belem alu öçen taläp arta
Bıyıl monıñ öçen 145 meñ 700 keşe möräcäğät’ itkän
Törkiyädä stipendiyäle belem alu öçen bıyıl 145 meñ 700 keşe möräcäğät’ itkän.
Çit illärdä yäşäwçe töreklär häm tuğandaş cämğiyät’lär başlığı Abdullah Ärän bu xaqta tübändägelärne citkerde:”Törkiyä stipendiyäläre programmasına 2012 nçe yılda 42 meñ keşe möräcäğät’ itkän bulsa ,2019 nçı yılda 167 ildän 145 meñ 700 keşe teläk belderde. Mondıy kürsätkeç belän rekord quyıldı. 2019 nçı yıl öçen möräcäğät’lär tögällände. Törkiyä stipendiyälärenä zur qızıqsınu kürsätüçelärgä räxmätläremne belderäm”.
Ärän:”Törkiyä stipendiyälärenä qarata mondıy iğ’tibar bezne söyenderä. Bez dä här yıl arta baruçı bu taläpne cirenä citkerü öçen stipendiya mömkinleklären arttırırğa häm kiñäytergä tırışabız”,-dide.
Çit illärdä yäşäwçe töreklär häm tuğandaş cämğiyät’lär başlığı Abdullah Ärän:”Bıyıl taläp zur bulğaç möräcäğät’ itü waqıtın ozınayttıq. Törkiyä stipendiyäläre yuğarı belem alunı xalıqara däräcägä kiterügä dä zur öleş kertä”,-dide.
Törkiyä stipendiyäläre programması qısasında här yıl urtaça 5 meñ studentqa stipendiya birelä.
Barı tik çit il watandaşlarına birelüçe bu stipendiyälär öçen här yıl bilgele ber waqıtta internet aşa möräcäğät’ itärgä mömkin.
Bäyläneşle xäbärlär
Ärdoğan Äliyev (Әлиев) belän bäyrämläşte
Törkiyä İlbaşı Räcäp Tayyip Ärdoğan Azärbaycan Däwlät başlığı İlham Äliyev (Әлиев) belän bäyrämläşte
Törkiyä zäñgär bayraqta dönya öçençese
Törkiyä zäñgär bayraqlı plyaj sanı belän dönyada öçençe urında