Ärdoğan belän Tramp äñgämäse

İlbaşı Räcäp Tayyip Ärdoğan AQŞ däwlät başlığı Donal’d Tramp belän telefon aşa söyläşte. Räsmi çığanaqlarınnan alınğan mäğ’lümatlarğa qarağanda, anda ikeyaqlı mäs’älälär häm Süriyädäge sonğı wäzğıyät’ telgä alındı, säyäsi prośessqa teräk bulunıñ ähämiyäte assızıqlandı häm terrorçılıqnıñ här törenä qarşı köräştä urtaq qararlılıqqa basım yasaldı.

Söyläşüdä Ärdoğan Törkiyäneñ strategik urtağı belän yaqın mönäsäbätlärne däwam itü teläge qabattan rasladı.

İke lider AQŞnıñ Süriyädän çığu qararınıñ berdäy mänfäğat’lärgä turı kilep häm urtaq maqsatlarğa zarar birmäyäçäk räweştä tormışqa aşırıluı turında kileşte.

Ärdoğan häm Tramp ikeyaqlı iq’tisadi mönäsäbätlärne tağın da üsterü häm 75 milliard dollarlıq säwdä äyläneşe maqsatına ireşü turında da söyläşte.

Bu telefon äñgämäse xaqında Aq Yorttan yasalğan belderüdä isä: “İke ilbaşı potanśial’ imin töbäkne oyıştıru belän bäyle koordinaśiyäneñ däwamı mäs’äläsendä fikerdäş buldı,”-diyelä.

Belderüdä şundıy yullar bar: “İke lider ikeyaqlı mönäsäbätlärne assızıqladı häm Süriyä mäs’äläse belän tağın bik küp temanı telgä aldı. İmin töbäk oyıştıru turında söyläşü öçen AQŞ saqlanu ministrı wäkile Patrik Şanaxan belän ğomumştab başlığı Djozef Danford bu atnada Vaşingtonda törek räsmi zatları belän oçraşaçaq”.