Saqlanu ministrı Minskta
Hulusi Akar:"İke yaqlı mönäsäbätlärneñ tağın da kamilläşüenä ışanam"
Törkiyä saqlanu ministrı Hulusi Akar Belarus’qa räsmi säfäre qısasında ilbaşı Aleksandr Lukaşenko belän küreşep söyläşte.
Yaqınça 1 säğät’ häm matbuğatqa yabıq uzğan oçraşudan soñ Akar jurnalistlarğa belderü yasadı.
Ul Törkiyä belän Belarus’ arasında xärbi xezmättäşlek ,uqıtu-öyrätü häm saqlanu mäs’älälärendäge êşçänleklärneñ kiläçäkta dä uñay häm konkret näticäläre bulaçağına, ike yaqlı mönäsäbätlärneñ tağın da kamilläşüenä ışanuın citkerde.
Hulusi Akar soñraq Belarus’ saqlanu ministrı Andrey Ravkov belän wäkilleklär arası söyläşülärdä qatnaştı.
Akar Törkiyä belän Belarus’ arasında dustanä mönäsäbätlär buluın belderep ,”İllärebez arasında barı tik xärbi häm saqlanu tarmaqlarında ğına tügel, iq’tisad ,sośial’, mädäniyat häm başqa tarmaqlardağı alğarıştan da bik qanäğät’bez”dide.
Belarus’ saqlanu ministrı bu säfärneñ saqlanu tarmağındağı xezmättäşlekne üsterügä öleş kertäçägen assızıqladı.
