Ärdoğan belän Maduro söyläşte

Törkiyä ilbaşı Räcäp Tayyip Ärdoğan Venesuêla däwlät başlığı Nikolas Maduro belän telefon aşa söyläşte. Räsmi çığanaqlardan alınğan mäğ’lümatlarğa qarağanda, söyläşüdä ikeyaqlı mönäsäbätlär telgä alındı. İke lider Törkiyä belän Venesuêla arasındağı xezmättäşlekne aldağı çorda da arttırırğa qararlı buluların assızıqladı.  

İlbaşı Ärdoğan Venesuêla däwlät başlığı Maduroğa 10nçı ğıynvarda bulaçaq ant itü tantanasına çaqıruı öçen räxmät belderde. Ul êşeneñ tığızlığı säbäple çarağa kilä almayacağın häm üze urınına Törkiyäne wäkillek itü öçen urınbasarı Fuat Oktaynı cibäräcägen äytte.  

Ärdoğan Törkiyäneñ Venesuêladağı totrıqlılıq, tınıçlıq häm mullıqqa ähämiyät birüen dä assızıqladı.