Çavuşoğlu - Pompeo söyläşüe
Söylӓşüdӓ AQŞnıñ Süriyӓdӓge xӓrbi berleklӓren çigü qararı quzğatıldı
Törkiyӓneñ tışqı êşlӓr ministrı Mӓwlüt Çavuşoğlu Süriyӓdӓn xӓrbi berleklӓren çigӓçӓgen açıqlağan Amerika Quşma Ştatları dӓwlӓt sӓrqӓtibe Mayk Pompeo belӓn küreşep söylӓşte.
Söylӓşüdӓ AQŞnıñ Süriyӓdӓge xӓrbi berleklӓren çigü qararı quzğatıldı.
AQŞ ilbaşı Donal’d Tramp Twitterda yasağan açıqlawında: “İlbaşı wazifamda Süriyӓdӓ buluıbıznıñ berdӓnber sӓbӓbe bulğan DEAŞ terror oyışmasın cindek,” – digӓn ide.
Aq Yort süzçese Sarah Sanders ta: “DEAŞ belӓn körӓşneñ yaña çorına kerӓbez, AQŞ ğaskӓrilӓren ildӓn çigӓ başladıq,” – açıqlawın yasağan ide.
Amerikan mediası Dӓwlӓt departamentı rӓsmi zatlarına nigezlӓndergӓn xӓbӓrlӓrdӓ isӓ Dӓwlӓt departamentınıñ Süriyӓdӓge barlıq personalın 24 sӓgӓt êçendӓ çigӓçӓge hӓm AQŞnıñ Süriyӓdӓge ğaskӓrilӓreneñ 60 belӓn 100 kön êçendӓ ildӓn kitӓçӓge dӓğwa itelgӓn ide.
