Törkiyä Angliyägä rizasızlıq belderde

Törkiyä Fätxullaxçı terrorçı oyışma äğ’zaların qulğa birüdän baş tartuı öçen Angliyägä qatğıy reakśiyä kürsätte.

Tışqı êşlär ministrlığı süzçese Hami Aksoy beldergänçä, Angliyä mäxkämäseneñ monıñ belän bäyle nigezläwläre bik zäğıyf’.

“2016nçı yılnıñ 15nçe iyül’ tüntäreleş kereşüendä 251 ğayepsez watandaşıbız ülde häm meñnärçäse yaralandı. Anı tormışqa aşıruçı FETÖneñ alğı rätlärdäge äğ’zaları arasında urın aluçı bu şäxeslärne ilebezdä xökem itü öçen tiz arada bezgä tapşıruları kiräk,”-dide Aksoy.

Ul Törkiyäneñ monıñ öçen tırışlıq quyuın däwam itäçägen belderde.