Pentagon Törkiyä çigenä küzläw noqtaları quyaçaq

Amerika Quşma Ştatları saqlanu ministrı Djeyms Mattis Süriyä belän Törkiyä arasındağı tön’yaq çiklärdä berniçä cirgä küzläw noqtası quyaçaqların belderde. Bu xaqta Pentagonda uzğan matbuğat oçraşuında äytelde.

Mattis Bässar Äsäd rejimınıñ Rusiyä häm İran yärdäme belän üz xalqın üterüen häm ilne bülüen söyläde. “Törkiyäneñ, Süriyä çigendä urnaşqan NATO däwläte bularaq, borçıluı öçen bik küp säbäp bar. Bu borçularnıñ bersen dä citdigä almıybız tügel. Süriyäneñ tön’yaq çige buyınça berniçä cirdä küzläw noqtaları quyaçaqbız, kimendä, bezneñ êşçänlek alanında berär närsä kürsäk, töreklärne kisätä alabız. Bu mäs’älädä Törkiyä belän xezmättäşlek itäbez. Alar belän bu xaqta kiñäşläşäbez,”-dide Pentagon citäkçese.

Mattisnıñ äytüençä, quyılaçaq noqtalar köndez dä, tönlä dä kürenäçäk itep işarätlängän bulaçaq. Şul räweşle, törek xärbiläre alarnıñ urının täğayen belep toraçaq.