Ärdoğan belän Tramp ber östäl artında
İlbaşı Räcäp Tayyip Ärdoğan Amerika Quşma Ştatları ilbaşı Donal’d Tramp belän Franśiyädä küreşte
Törkiyä ilbaşı Räcäp Tayyip Ärdoğan häm xatını Äminä Ärdoğannı Franśiyä prezidentı Êmmanuêl’ Makron Berençe bötendön’ya suğışına noqta quyğan utnı tuqtatu kileşüeneñ 100 yıllığı uñayınnan oyıştırılğan çaralarğa çaqırdı. Alar başta Parijdağı d’Orsê muzeyenda “Picasso Bleu et Rose” kürgäzmäse açılışında qatnaştı. Anda Ärdoğan parı Moldova ilbaşı İgor Dodon häm xatını Galina xanım belän äñgämä qordı.
Soñınnan barısı bergä Franśiyä ilbaşı tarafınnan birelgän kiçke aşqa kitte. Anda Törkiyä ilbaşı Ärdoğan belän AQŞ däwlät başlığı Tramp yänäşä utırdı. Bu sankśiyälär krizisınnan soñ ike lidernıñ täwge oçraşuı. Alar şaqtıy ğapläşte. Aq Yorttan belderülärençä, söyläşü konsullıqta üterelgän Soğud Ğaräbstanı jurnalistı Cämal Qaşıqçı turında bardı. Liderlar nindi poziśiyädä bulaçaqları turında fiker alışqan.
Ärdoğan bäyrämneñ xucası Êmmanuêl’ Makron häm xatını Bridjit belän dä äñgämä itte. Monnan tış, ul Germaniyä kanślerı Angela Merkel’ belän samimi räweştä aralaştı.
Räcäp Tayyip Ärdoğannıñ ul kiçtäge äñgämädäşläre arasında OPEK ğomum särqatibe Xose Angel’ Gurriya da bar ide. Törkiyä ilbaşı tağın bik küp däwlätlärneñ citäkçeläre belän söyläşergä waqıt taptı.
Bäyläneşle xäbärlär
Tağın 3 terrorçı täêsirsez xäldä
Törek qorallı köçläre Garada 3 terrorçınıñ urının aldan bilgeläp täêsirsez xälgä kiterde