AQŞ sankśiyälärenä rizasızlıq
AQŞnıñ İranğa qarşı sankśiyälärenä rizasızlıq belderüçe illär üzläreneñ ni säbäple cäzalandıruın añlamıy
4nçe noyabr’dä AQŞnın İranğa qarşı sankśiyäläreneñ ikençe êtabı ğamälgä kerä. Törkiyä tışqı êşlär ministrı Mäwlet Çavuşoğlu bu adımğa qarşı buluların belderä. Anıñ äytüençä, älege sankśiyälär Berläşkän Millätlär İminlek şurası qararı tügel.
Mäwlet Çavuşoğlu Törkiyäneñ kürşese İran belän säwdä mönäsäbätläre buluın, ul ildän tabiğıy gaz häm neft’ aluın assızıqladı. AQŞnıñ berüze sankśiyälär kertüenä Yaponiyä, Aziyä häm Awrupa Berlege däwlätläre dä qarşı.
Ministr amerikalı wazıyfadaşı Mayk Pompeoğa da bu mäs’älädä fikerlären äytüen belderde. Ul AQŞnıñ ber’yaqlı birgän qararınıñ başqa illärgä dä täêsir itüen söyli.
“Berüzeñä qarar birergä mömkin, ämma başqa illärne häm şirkätlärne ni öçen cäzalandırasıñ. Bu BMO İminlek şurasınıñ qararı tügel bit. Bez bu mäs’älädä çığarma bulu öçen kiräkle taläplärebezne belderdek,”-dide Çavuşoğlu.
AQŞqa ber’yaqlı qararlar mäs’äläsendä kisätü yasalğan. Anda mondıy adımnar yasağançı başqa illär belän söyläşü kiräklegen xäterlätälär. Bu oçraqta İran belän xezmättäşlek itüçe däwlätlär belän kiñäşläşü sorala.
İranğa qarşı sankśiyälärneñ berençe êtabı avgust ayında ğamälgä kerde.
Bäyläneşle xäbärlär
Ärdoğan Äliyev (Әлиев) belän bäyrämläşte
Törkiyä İlbaşı Räcäp Tayyip Ärdoğan Azärbaycan Däwlät başlığı İlham Äliyev (Әлиев) belän bäyrämläşte
Törkiyä zäñgär bayraqta dönya öçençese
Törkiyä zäñgär bayraqlı plyaj sanı belän dönyada öçençe urında