İlbaşı Moldovada

Törkiyä ilbaşı Räcäp Tayyip Ärdoğan Moldova ilbaşı İgor’ Dodonnıñ çaqıruı belän Moldovağa kitte.

Ärdoğan häm xäläl cefeten Kişinyev hawa mäydanında Moldova ilbaşı belän xäläl cefete qarşı aldı.

İlbaşı idaräseneñ matbuğat üzäge beldergänçä, Ärdoğannıñ 2 könlek räsmi säfärendä Moldova ilbaşı Dodon belän üzara häm wäkilleklar ara söyläşülär ütkärüe kötelä.

Söyläşülärdä ike il arasında yaqınça 500 million dollar bulğan säwdä külämen 1 milliard yarım dollarğa citkerü häm törek şirkätlären Moldovağa kapital salırğa öndäw maqsatı belän yasalaçaq adımnar qaralaçaq.

Ärdoğan häm Dodon ike yaqlı mönäsäbätlär, regional’ mäs’älälär , berençe çiratta “Fätullahçı terror oyışması” bulu belän bergä terrorğa qarşı köräş xaqında söyläşäçäk.

İlbaşı Ärdoğan Kşinyevta 2009 nçı yılda Moldovadağı tüntäreleş kereşüe waqıtında cimerelgän ,soñınnan Törkiyä restavraśiyälägän ilbaşı idaräse binasınıñ açılışın yasayaçaq.

Törkiyä ilbaşınıñ säfär qısasında Moldovada 350 million dollar külämendä investiśiya kertüçe 213 törek firmasınıñ qayber citäkçeläre belän dä küreşüe planlaştırılğan.

Ärdoğan Gagauz üzidäräle töbägendä ike teldä belem birüçe balalar baqçalarınıñ açılışın yasayaçaq.