“AQŞ üz watandaşlarınıñ qağılğısız bulmawın añlağandır"

Tışqı êşlär ministrı Mäwlet Çavuşoğlu amerikalı ruxani Êndryu Bransonnıñ xökem itelüe belän bäyle belderüendä: “AQŞ üz watandaşlarınıñ qağılğısız bulmawın añlağandır dip ömetlänäm,”-dide.

Çavuşoğlu Angliyä tışqı êşlär ministrı Djeremi Xant belän oçraşu öçen Londonğa kitte. Anda jurnalistlarnıñ sorawlarına cawap birde. “Sankśiyä häm yanawlar xäl itmäs, mäxkämä xäl itär didek. AQŞ watandaşları qağılğısız tügel. Amerika añlağandır - basım belän Törkiyädän näticä alınmıy. Mäxkämä qararın sanğa suğarğa kiräk,”-dip söyläde ul.  

Mäwlet Çavuşoğlunıñ Angliyägä räsmi säfäre 15nçe oktyabr’gä qadär däwam itä. Ul tışqı êşlär ministrı Xant belän oçraşularda säyäsi häm iq’tisadi mönäsäbätlär, iminlek häm terrorçılıq belän köräş mäydannarında xezmättäşlek şikelle mäs’älälärne qarawdan tış Süriyädäge wäzğıyät’, Awrupa Berlege turında da fiker alışaçaq.