Törkiyä ilbaşı AQŞta

Törkiyä ilbaşı Räcäp Tayyip Ärdoğan Süriyädä imin töbäklärne arttırunı däwam itteräçäklären äytte.

İlbaşı AQŞnıň N’yu-York şähärendä Törek-amerikan milli yünäleş komitetı tarafınnan oyıştırılğan çarada törek häm möselman cämäğat’çelegenä möräcäğat’ itte.

İllärendäge krizistan Törkiyägä sıyınğan süriyälelärneň 260 meňeneň tuğan yaqlarına qaytuın beldergän Ärdoğan: “Soňğı İdlib krizisında bulğanı kebek ber ğayepsez keşeneň dä zıyan kürmäwe öçen diplomatik ölkädä küp tırışlıq quydıq. Bu tırışlıqlarıbıznıň cimeşen ala başladıq,” – dide.

Törkiyä ilbaşı: “Berençe qiblabız Yerusalimne yawlawçılarğa qaldırmayaçaqbız,” – diyep, Arakanlı möselmannarnıň dramasın da xäterlätte.

Ärdoğan soňınnan TÜRKEN waqıfınıň tradiŝion gala aş mäclesendä qatnaştı.

Andağı çığışında da İslam geografiyaseneň qardäş ğawğaları häm watandaşlar suğışları belän kön tärtibenä kilüeneň borçuğa saluçı buluın äytkän Ärdoğan awır çordan uzunı assızıqladı.