AQŞ ilçelegenä höcümdä FETÖ êzläre

Amerika Quşma Ştatlarınıñ Änkara ilçelegenä qorallı höcümneñ FETÖ terrorçı oyışması belän bäyle buluı açıqlandı. Waqıyğa 20nçe avgustta bulğan ide. Anıñ belän bäyle tikşerü däwam itä. 3 keşene saq astına aldılar. İminlek köçläre Ärsin Bayram isemle şöbhäleneñ komp’yuterların tikşergändä, 2015nçe yılda AQŞnıñ êlekkege Änkara ilçese Djon Bass belän töşkän fotosına yulıqqan. Bayram üze monı bolay dip añlata: “Ul çorda min mödire bulğan şirkätneñ çaraları qısalarında, üzäge N’yu-Yorkta bulğan Törek-Amerika säwdä palatası wäkile Ömär Bäy tarafınnan AQŞ ilçelegendä uzuçı kiçädä alarnıñ tarafı bularaq qatnaştım häm Bass belän fotoğa töştem”.   

İminlek saqçıları äzerlägän xisapta Törek-Amerika säwdä palatasınıñ FETÖ tözegän oyışma buluı äytelä. Anda, şulay uq, Bayramnıñ säwdägär häm êşmäkär säfärläre yasap oyışma öçen çığanaqlar täêmin itüe dä açıqlana.

Şöbhäleneñ telefonı da tikşerelde. Anda FETÖ belän bäyle bik küp internet säxifälärenä kerüe kürende. Monnan tış, Ärsin Bayram FETÖ atamanınıñ Pensil’vaniya ştatındağı utarında terrorçı oyışma äğ’zaları belän fotoğa töşkän.

 Höcümne tormışqa aşıruı açıqlanğan şöbhälelärdän Osman Gündaşnıñ êş birüçese dä Ärsin Bayram. Ul AQŞ ilçelegenä höcümneñ artınnan uq Twitter säxifäsendä “Amerika ilçelege” digän başlıq belän êzläw yasıy.

Bayram soraw aluda FETÖ belän bäyläneştä buluın, oyışmanıñ basma çaralarına abonentlığı barlığın söyläde.