Maas Törkiyägä kilergä äzerlänä

Germaniya tışqı êşlär ministrı Heyko Maas Törkiyäneñ Süriyä mäs’äläsendäge poziśiyäseneñ xälitkeç ähämiyätkä iyä buluın belderde. Anıñ 5nçe-6nçı sentyabr’dä Törkiyägä kilüeneñ töp teması da İdlib töbägendäge wäzğıyät’. Bu xaqta ministr jurnalistlar belän oçraşuda söyläde. “Bez İdlibtä keşelek faciğasenä kirtä quyu öçen bar närsäne êşläyäçäkbez. Bu - minem çärşämbe häm pänceşämbe könne Törkiyägä bulaçaq zıyarätemneñ bik ähämiyätle teması,”-dide ul.  

Maas Änkaranıñ İdlib mäs’äläsendä bik möhim xezmättäş buluın alğa sörä. Ul Süriyäneñ älege töbägendä wäzğıyät’neñ ğadättän tış citdi ikänen häm xärbi çişeleşneñ keşelek faciğasenä kiteräçägen assızıqlıy.

Maas säfär qısalarında Törkiyä tışqı êşlär ministrı Mäwlet Çavuşoğlu belän oçraşaçaq. Monnan tış, anıñ ilbaşı Räcäp Tayyip Ärdoğan häm Törkiyä Böyek Millät Mäclese räise Binali Yıldırım tarafınnan qabul iteläçäge farazlana. Oçraşular waqıtında Törkiyä-Germaniya ikele mönäsäbätläre şikelle könüzäk mäs’älälär telgä alınaçaq.

Maas, monnan tış, İstanbuldağı nemeś liśeyı tözeleşeneñ 150nçe yılı uñayınnan tantanalarda qatnaşaçaq.