Ärdoğan: “Törki xezmättäşlek xalıqara sistemanıñ ğadellegenä öleş kertäçäk”
İlbaşı Räcäp Tayyip Ärdoğan törki däwlätlärneñ üz aralarında kürsätäçäk xezmättäşlekneñ häm teläktäşlekneñ xalıqara sistemanıñ ğadel räweştä êşlätelüenä öleş kertäçägen dä äytte.
Ärdoğan Qırğızstan säfäre qısalarında bügen Çolpon Ata şähärendäge Ruh Ordo mädäniyät üzägendä Qırğızstan İlbaşı Sooronbay Ceenbekovnıñ räislegendä oyıştırılğan "Törki Şuranıñ 6nçı Däwlät başlıqları sammitı”nda qatnaştı.
Yuğarı däräcäle oçraşuda berlek häm berdämlek çaqıruın yasawçı Ärdoğan: ''Soñğı waqıtlarda xalıqara kileşü, prinśiplar häm qağıydälär tupas räweştä bozılğan çordan uzuıbıznı da borçılıp äytep uzarğa telim”, - dip äytte.
Qayber illärneñ xalıqara mäs’älälärneñ çişeleşendä diplomatiya, dialog häm küp yaqlılıq urınına yanaw, basım häm şantajnı alğı planğa çığarırğa tırışularına basım yasawçı Ärdoğan: “Säwdä çikläwläre, tamğaxanä salımnarı häm sankśiyälär kebek çaralar aşa ozaq yıllarnıñ äsäre bulğan kileşülär ber mizgeldä mäğ’näsez xälgä äylänä ala”, - dip äytte.
Törkiyäneñ xalıqara cämğıyät’ belän yärdämläşü êçendä dialognı, ğadälätne häm xoquqnı yaqlarğa däwam itäçägen belderüçe Ärdoğan: “Törki däwlätlär bularaq üz arabızda kürsäteläçäk xezmättäşlek häm teläktäşlek xalıqara sistemanıñ ğadel räweştä êşläwenä dä öleş kertäçäk”, - dip äytte.
