Ärdoğan belän Ştaynmayer söyläşte
Söyläşüdä ilbaşı Ärdoğannıñ kiläse ay axırında Germaniyägä räsmi zıyaräte belän bäyle äzerleklär dä äytep ütelde
1038685
Törkiyä ilbaşı Räcäp Tayyip Ärdoğan Germaniya däwlät başlığı Frênk-Val’ter Ştaynmayer belän telefonnan söyläşte. Räsmi çığanaqlardan alınğan mäğ’lümatlarğa qarağanda, äñgämädä ikeyaqlı mönäsäbätlär häm başqa könüzäk temalar telgä alındı.
İke lider Törkiyä häm Germaniya arasındağı xezmättäşlek häm söyläşülär mexanizmınıñ yañadan üz köçenä kerüenä qanäğat’lek belderde häm monı üsterü xaqında fiker alıştı.
Söyläşüdä ilbaşı Ärdoğannıñ kiläse ay axırında Germaniyägä räsmi zıyaräte belän bäyle äzerleklär dä äytep ütelde.
Ärdoğan belän Ştaynmayer ike däwlätneñ tışqı êşlär, qazna häm finans ministrlıqları arasında tizdän bulaçaq oçraşularnıñ mönäsäbätlärne tağın da üsteräçägen assızıqladı.