Törkiyӓ qayğı belän urtaqlaştı

Törkiyӓ BMOnıñ êlekke ğomüm sӓrqӓtibe Kofi Annannıñ wafat buluınnan soñ qayğı belӓn urtaqlaşu yullaması yasadı.

Tışqı êşlӓr ministrlığı tarafınnan açıqlanğan yullamada: “Kofi Annan ğailӓsenӓ hӓm yaqınnarına ayıruça dus Gana xalqınıñ qayğısı belӓn urtaqlaşabız,” – dip ӓytelde.

Ministrlıktan yasalğan açıqlawda BMO ğomüm sӓrqӓtibe wazifasın 1997-2006 yıllar arasında uñışlı rӓweştӓ başqarğan Kofi Annannıñ wafat buluınıñ borçuğa saluı belderelde.

Afrika citeştergӓn saylanğan diplomatlardan, Nobel’ bülӓge iyӓse bulğan Annannıñ dönya tınıçlığına xezmӓt kürsӓtüen, êşçӓnleklӓreneñ Törkiyӓne qızıqsındıruçı tışqı sӓyӓsӓt mӓs’ӓlӓlӓre cӓhatennӓn dӓ möhim buluı citkerelde.