“Ğıyraqnıñ iminlege häm totrıqlılığı Törkiyäneñ iminlege häm totrıqlılığı digän süz”

Ğıyraq prem’yer-ministrı Xäydär äl-İbadi Änkarada räsmi oçraşularda qatnaşa.

Qunaqnı ilbaşı idaräse kölliyäsendä ilbaşı Räcäp Tayyip Ärdoğan qabul itte.

İke lider söyläşülärdän soñ urtaq matbuğat oçraşuı ütkärde.

Ärdoğan üz çığışında tübändägelärne citkerde:” İke yaqlı mönäsäbätlärne tağın da üsterü, berençe çiratta iminlek häm iq’tisad bulu belän bergä kritik tarmaqlarda xezmättäşlekne kamilläşterü öçen yaña xökümät belän êşçänlek başqarırğa äzerbez. Törkiyä belän Ğıyraqnıñ yazmışları ber ük törle. Ğıyraqnıñ iminlege, mullığı häm totrıqlılığı Törkiyäneñ iminlege,mullığı häm totrıqlılığı digän süz”.