Törkiyä Venesuêladağı höcümne ğayepläde
“Törkiyä bu awır waqıtta qardäş häm dus Venesuêla xalqı häm ilbaşı Maduro, ğailäse häm barlıq xökümät wäkilläreneñ yanında"
Törkiyä Venesuêla däwlät başlığı Nikolas Maduroğa höcümne ğayepläde. Tışqı êşlär ministrlığı tarafınnan yasalğan yazma belderüdä: “Venesuêla milli gvardiya berlekläre tözelüneñ 81nçe yıllığı uñayınnan başqala Karakasta oyıştırılğan, ilbaşı Nikolas Maduro Moros, xatını häm ulı, xökümät äğ’zaları, xärbi wäkillär qatnaşqan tantanada bulğan häm däwlät başlığına qarşı ikäne añlaşılğan höcümne zur borçılu belän qarşıladıq,”-diyelä.
Belderüdä Maduro häm yaqınnarınıñ waqıyğada zarar kürmäweneñ yuandıruçı buluı äytelä. Törkiyä tarafı şartlaw näticäsendä yaralanğan 7 xärbineñ tizräk terelüen teläde.
“Törkiyä bu awır waqıtta qardäş häm dus Venesuêla xalqı häm ilbaşı Maduro, ğailäse häm barlıq xökümät wäkilläreneñ yanında. Venesuêlada totrıqlılıq, üseş, tınıçlıq häm iminlekneñ däwam itüe - iñ zur telägebez,”-diyelä Törkiyä tışqı êşlär ministrlığı belderüendä.
