İlbaşı Könyaq Afrika Cömhüriyätendä êşmäkärlär belän oçraştı

Törkiyä ilbaşı Räcäp Tayyip Ärdoğan 10 nçı BRİKS sammitında qatnaşır öçen kitkän Könyaq Afrika Cömhüriyätendä êşmäkärlär belän oçraştı.

Ärdoğan üz çığışında ber ilneñ üseşendä, iq’tisadi maqsatlarnı tormışqa aşıruda köçle säyäsi iradä belän bergä êş dönyasınıñ totışınıñ da zur rol’ uynawın belderde.

Ärdoğan soñğı 16 yılda ike il mönäsäbätlärendä şaqtıy alğarış täêmin itelüen assızıqladı.

İlbaşı ike il arasındağı säwdä külämeneñ haman da citärlek däräcädä bulmawın ,anı berençe êtapta 10 milliard dollarğa citkerü kiräklegenä basım yasadı.

Törkiyä ilbaşı:” Maqsatıbız – bergä qazanu, berga uñışqa ireşü”,-dide.

Ärdoğan afrikalı êşmäkärlärne Törkiyädä kapital salırğa çaqırdı häm alarğa “Bu mäs’älädä Törkiyägä ışanığız”dide.