Ärdoğan belän Putin oçraştı

İlbaşı Räcäp Tayyip Ärdoğan belän Rusiyä däwlät başlığı Vladimir Putin Kön’yaq Afrikada ütüce sammit qısalarında küzgä-küz oçraştı. Annan alda ike lider sälamläşü çığışı yasadı. Anda Ärdoğan Törkiyä belän Rusiyäneñ säyäsi, xärbi, iq’tisadi, mädäni, säwdä tarmaqlarında bik citdi üseştä buluın belderde. Bu turizmğa da qağıla. Ärdoğan bıyıl 16 million Rusiyä turistınıñ Törkiyägä kilüe kötelüen dä äytte. “Bolar belän bergä arabızdağı teläktäşlek qayberäwlärne çınlap ta könläşterä,”-dide Törkiyä ilbaşı.  

Rusiyä däwlät başlığı Putin da ike il arasındağı mönäsäbätlärneñ artuına söyenüen belderde. Ul krizislardan çığu mäs’äläsendä yärdämläşüneñ härdaim däwam itäçägen, iq’tisad alanında da bäyläneşlärneñ üsäçägen söyläde. “Oçraşuıbızğa bik söyendem, urtaq êşçänlektän qanäğat’lek xise alam,”-dide Putin.