Törkiyä Kanadanı kisätä

Törkiyä tarafınnan PKK terrorçı oyışmasına qarşı operaśiyälärdä soñğı waqıtlarda qulğa töşergän qorallar arasında Kanadada êşlängän avtomat mıltıqlar da bar ide. Bu säbäple ilgä kisätü yasaldı.

Kanadanıñ milli medya qorılışlarınnan Postmediyağa kerüçe berniçä gazetada da bu xaqta xäbär basılıp çıqtı. Anda PKKlı terrorçılarnıñ qulında Kanadada çığarılğan NEA-15 tibındağı qorallar buluı äytelä. Xäbärdä yazılğança, Törkiyä Qorallı köçläre aprel’ ayında Mardinda oyıştırğan ber operaśiyädä terrorçılar tarafınnan qullanıluçı mäğarädä Kanadada yasalğan maxsus köçlär mıltıqların qulğa töşergän. Waqıyğa urınınnan fotolar älege däwlätneñ wäqalätle dairälärenä cibärelgän.

 Qulğa töşerelgän qorallarnıñ Ontario ştatındağı “Nord – Êstern Arms NEA” şirkäte tarafınnan çığarıluı açıqlanğan. Firma wäkile bu satışnıñ Kanada federal’ xökümäte röxsäte belän yasaluın belderä.

Xäbärdä, monnan tış, 2016nçı yılda Ğıyraqnıñ tön’yağındağı baş kütärüçelärgä NEA qoralları birelüe, şirkät wäkilläreneñ cirlekkä säfär qıluı häm şul uq ayda Kanadadan meñnän artıq mıltıq çığarıluı äytelä.