NATO sammitı başlana
İke könlek “NATO däwlät häm xökümät başlıqları cıyılışı” berençe tapqır oyışmanıñ yaña ştab-fatirında ütäçäk
Bel’giyäneñ başqalası Brüssel’dä bügen NATO sammitı başlana. Anda bik küp il qatnaşaçaq. İke könlek “NATO däwlät häm xökümät başlıqları cıyılışı” berençe tapqır oyışmanıñ yaña ştab-fatirında ütäçäk.
Sammit 20 xärbi boralaqnıñ kürsätmä oçışı belän başlanaçaq. Aralarında Törkiyäneke dä bar.
Bu -ilbaşı Räcäp Tayyip Ärdoğannıñ, yaña kabinetnı iğ’lan itkännän soñ, xalıqara sammitta täwge qatnaşuı. Anıñ xökümätendäge qayber isemnärgä dä NATO cıyılışında küp närsä “täwge”. Êlekkege Ğomumştab citäkçese, armiya generalı Xulusi Akar anda berençe tapqır Milli saqlanu ministrı bularaq qatnaşa. Şulay uq, Qaznaçılıq häm finans ministrı Bärat Albayraqnıñ da bu täwge sammitı.
Ärdoğan, cıyılış qısalarında, Amerika Quşma Ştatları ilbaşı Donal’d Tramp, Franśiya däwlät başlığı Êmmanuêl’ Makron, Angliya xökümäte räise Teresa Mêy häm başqa bik küp NATO ile liderı belän ikeyaqlı oçraşularda küreşäçäk. Anda qayber berlektäşlärneñ PKK terrorçı oyışmasınıñ Süriyädäge däwamı YPGgä yärdäm itüe häm Törkiyäneñ Rusiyädän S-400 saqlanu sistemasın satıp alu mäs’äläläre kütäreler dip körtelä. Monnan tış, Räcäp Tayyip Ärdoğannıñ Awrupa Berlege şurası räise Donal’d Task, Awrupa Berlege komissiyäse citäkçese Jan-Klod Yunker häm Awrupa parlamentı räise Antonio Tayani belän dä ayırım-ayırım söyläşüe kötelä.
