İlbaşı Ärdoğan ant itä

Räcäp Tayyip Ärdoğannıñ İlbaşı qolliyätendä ütkärelüçe “Däwlät başlığı wazıyfasına başlaw tantanası”nda 22 däwlät başlığı, 28 baş ministr häm parlament başlığı belän 6 xalıqara oyışmanıñ ğomum särkätibe qatnaşa.

İlbaşı Räcäp Tayyip Ärdoğan, Törkiyä waqıtı belän säğät’ 16:30da Törkiyä Böyek Millät Mäclese ğomum şurasında ant itep, Cömhüriyätneñ nigez saluçısı Atatörek qabere urnaşqan Anıtkäberne ziyarät itäçäk.

Räcäp Tayyip Ärdoğannıñ İlbaşı qolliyätendä ütkärelüçe “Däwlät başlığı wazıyfasına başlaw tantanası”nda 22 däwlät başlığı, 28 baş ministr häm parlament başlığı belän 6 xalıqara oyışmanıñ ğomum särkätibe qatnaşa.

İlbaşı Räcäp Tayyip Ärdoğan, Törkiyä waqıtı belän säğät’ 16:30da Törkiyä Böyek Millät Mäclese ğomum şurasında ant itep, Cömhüriyätneñ nigez saluçısı Atatörek qabere urnaşqan Anıtkäberne ziyarät itäçäk.

İlbaşı qolliyätendä Törkiyä waqıtı belän säğät’ 18:00dä isä küp sanda çit il däwlät, xökümät, parlament häm wäkillek başlıqları belän ber rättän Törkiyäneñ böten qatlamnarın wäkillek itep çaqırılğannar belän bergä Däwlät başlığı wazıyfasına başlaw tantanası uzaçaq.

Bu qısada Bolgariya İlbaşı Rumen Radev, Görcestan (Gruziya) Däwlät başlığı Giorgi Margvelaşvili, Makedoniya Prezidentı Gjorge Ivanov, Moldova İlbaşı Igor Dodon, Bosniya-Hersegovina İlbaşı Şurası başlığı Bakir İzetbegoviç, Serbiya Däwlät başlığı Aleksandar Vuçiç, Kosova İlbaşı Haşim Thaçi, Qatar Ämiri Şäyex Tämim Bin Hamad Äl Sani, Paqıstan İlbaşı Mämnun Xösäyen, Tön'yaq Kipr Törek Cömhüriyäte İlbaşı Mostafa Aqıncı, Qırğızstan İlbaşı Sooranbay Jeenbekov, Sudan Däwlät başlığı Ömär Äl Bäşir, Gvineya İlbaşı Alpha Conde, Zambiya Däwlät başlığı Edgar Lungu, Gvineya Bissau İlbaşı Jose Mario Vaz, Êkvatorial’ Gvineya Däwlät başlığı Teodoro Obıang, Somali İlbaşı Möxämmäd Abdullahi Möxämmäd Farmajo, Moritaniya İlbaşı Mohamäd Ould Abdäl Aziz, Gabon İlbaşı Ali Bongo Ondimba, Çad İlbaşı Idriss Deby Itno, Cibuti İlbaşı İsmail Omar Guelleh, Venesuêla Däwlät başlığı Nikolas Maduro Törkiyädä.

Tantanadan soñ İlbaşı Ärdoğan qunaqlarnıñ xörmätenä kiçke aş mäclesen oyıştıra.