Törkiyä Kärküktäge höcümne tänğıyt’läde
Tışqı êşlär ministrlığınnan belderülärençä, intixar höcümendä, berençel mäğ’lümatlarğa qarağanda, 1 keşeneñ ğomere özelüe häm 21 keşeneñ yaralanu xäbären borçu belän qarşılağanna
Törkiyä Ğıyraqnıñ Kärkük şähärendä saylaw ärcäläre quyılğan kelätkä yasalğan bombalı höcümne tänğıyt’läde.
Tışqı êşlär ministrlığınnan belderülärençä, intixar höcümendä, berençel mäğ’lümatlarğa qarağanda, 1 keşeneñ ğomere özelüe häm 21 keşeneñ yaralanu xäbären borçu belän qarşılağannar. “Älege terrorçı höcümenä läğ’nät belderäbez, ğomere özelgän ğıyraqlı qardäşlärebezgä Allaxtan räxmät, yaqınnarına sabırlıq häm yaralılarğa şifalar telibez,”-diyelä belderüdä. Törkiyä xökümäte, şulay uq, Ğıyraq dairälärenä möräcäğat’ itep, Kärküktäge saylawlar belän bäyle xärämläşü farazların tikşerüne tiz arada häm açıq räweştä tämamlarğa çaqırdı.
Ğıyraqta 12nçe mayda uzğan gomum saylawlarda, ayıruça, Kärkük häm başqa tön’yaq töbäklärdä xärämläşü oçraqları xaqında süz çıqtı. İl parlamentı tawışlarnı qabattan quldan sanaw qararı birde.
