İlbaşı möselman liderlarnı bäyräm belän qotladı

Törkiyä ilbaşı Räcäp Tayyip Ärdoğan Ramazan bäyräme uñayınnan Soğud Ğaräbstanı patşası Sälman bin Abdulaziz belän telefonnan söyläşte.

Söyläşüdä Ärdoğan häm patşa Sälmannıñ ber-bersen bäyräm belän täbrik itüe ,Törkiyä häm Soğud Ğaräbstanı arasındağı mönäsäbätlärne här tarmaqta tağın da üsterügä basım yasawları citkerelde.

Şulay uq Fälästin xalqın saqlaw turındağı qararnıñ Berläşkän Millätlär Oyışması ğomum şurasında qabul itelüennän qanäğät’ buluları da belderelde.  

Ärdoğannıñ Fälästin däwlät başlığı Mäxmüd Abbas belän söyläşüendä Fälästin belän bäyle soñğı täräqqiyät’lär xaqında süz bardı.

Ärdoğan Paqıstan ilbaşı Mämnun Xösäyen belän dä telefonnan söyläşep anı bäyräm belän qotladı.

Törkiyä ilbaşı Ärdoğan häm Paqıstan ilbaşı Xösäyen ike il mönäsäbätlären tağın da nığıtu yünäleşendäge qatğıylıqqa basım yasadı,regional’ mäs’älälärgä tuqtaldı.