Törkiyä uquçıları Rusiyädän medal’lär belän qayttı

Rusiyädä oyıştırılğan “Awrupa fizika olimpiadası”nda Törkiyädän qatnaşqan uquçılar 1 altın, 2 kömeş häm 2 bronza medal’ alıp qayttı. Çara Mäskäwdä ütte. Törkiyä uquçıları il bularaq moña qadär qatnaşqan barlıq olimpiadalar arasında iñ yaxşı näticälärgä ireşte.  

Altın medal’gä İstanbul Baxçäşähir fän häm texnologiya liśeyı uquçısı Cäm Arda Täpä layıq buldı. Şul uq liśeydan Alkın Kaz häm Yunus Ämrä Parmaksız kömeş medal’lär aldı. Bursa fän liśeyı uquçısı Mätin Ärsin Arıcan häm İstanbul Baxçäşähir fän häm texnologiya liśeyı uquçısı Artun Bayer bronza medal’ belän qayttı. Törkiyä 23 ildän 115 uquçı qatnaşqan olimpiadada 3nçe urınnı aldı.