Törkiyä belän AQŞnıñ Münbiç kileşüe

Amerika Quşma Ştatları Törkiyä belän Süriyäneñ Münbiç mäs’äläsendä birelgän urtaq qararlarnıñ töbäkkä totrıqlılıq kiteräçägen belderde. AQŞ däwlät departamentı süzçese Xizer Nauêrt jurnalistlarğa kileşüneñ neçkäleklären añlattı. Amerikanıñ däwlät särqatibe Mayk Pompeo belän Törkiyä tışqı êşlär ministrı Mäwlet Çavuşoğlu 4nçe iyün’dä Vaşingtonda oçraştı.

“AQŞ häm Törkiyä bu oçraşular näticäsendä Münbiştä totrıqlılıqnı täêmin itü häm töbäktä idarä itüne xalıqnıñ üzenä tapşıru xaqında kileşte,”-dide Xizer Nauêrt. PKK terrorçı oyışmasınıñ Süriyädäge däwamçısı YPG Färat yılğasınıñ könçığış yarına kitäçäk. Kileşüdä bu da qaralğan. Älege şartlar ütälgännän soñ, yaqlar Münbiç mäs’äläsendä kiläse adımnarnı yasayaçaq. Nauêrt Törkiyä belän AQŞ arasında söyläşülärneñ däwam itäçägen belderde.

 Çavuşoğlu “Münbiç yul kartası” dip ataluçi kileşüneñ 3 êtapta häm aylar däwamında tormışqa aşırılacağın söyläde. Maqsat töbäkne barlıq terrorçı oyışmalardan çistartıp, iminlek häm totrıqlılıqnı däwamlı qılu.