Törkiyäneñ Balkannardağı êşçänlege

İlbaşı idaräse süzçese İbrahim Kalın Törkiyäneñ Balkan illärendä alıp baruçı iq’tisadi, säyäsi häm mädäni êşçänlegenä iğ’tibar yünältä. “Daily Sabah” gazetında basılğan yazmasında ul FETÖ parallel’ däwlät qorılışı kisätüe yasıy. Ul oyışmanıñ Balkan däwlätlärenä dä yanawın belderä. Kalın äytkänçä, FETÖ dingä DEAŞ qadär ük zarar birde.

Mäqalädä Törkiyäneñ Balkannarğa, etnik häm dini ayırımçılıq yasamıyça, ähämiyätle investiśiyälär kertüe belderelä. “Törkiyä xökümäte, däwlät bankları, şäxsi şirkätlär häm cämğıyät’lär Balkannarnıñ här cirendä yözlärçä proyekt ğamälgä aşırdı häm aşıra. Terlekçelek belän şöğıl’länüçelärgä yärdäm itü maqsatınnan Bosniyadan it satıp ala. Şulay uq, Sarayevo – Belgrad avtoyulı törek oyışmaları tarafınnan tözelep, Balkannarda solıx yulı bularaq xezmät itäçäk,”-dip yaza İbrahim Kalın. Ul Törkiyäneñ älege töbäkne küreşen “säyäsi totrıqlılıq, iq’tisadi kütäreleş häm mädäni üseş” dip 3 yaqtan bäyäläde.

Kalın Balkannardağı säyäsi totrıqlılıqnıñ iminlege öçen Törkiyäneñ barlıq çaralarğa teräk buluın assızıqlıy. Balkan däwlätläreneñ iminlek köçlären uqıta häm yärdäm itä. Älege illärneñ NATO häm Awrupa Berlegenä kerülärenä teläktäşlek kürsätä.