Ärdoğan PKK mitingına röxsät birülären tänqıyt’läde

Törkiyä ilbaşı Räcäp Tayyip Ärdoğan Köln şähärendä PKK mitingına röxsät birülären tänqıyt’läde. Anı terror oyışmasınıñ  Germaniyadağı teläktäşläre oyıştıra. Ärdoğan ber televideniye tapşıruında çığış yasap, bolay dide: “Awrupa, çınnan da, qayber illär tışında, aqıl zäğıyf’länüe kiçerä. Äle citmäsä Germaniya belän nindi yaxşı närsälär söyläşäbez, itäbez. Ämma qarıysıñ - söyläşüläre ber närsä, êşläre ikençe. Terrorçı oyışmalar PKKğa, FETÖğa qapqaların açalar. Berwaqıt itäk-çabuların cıydılar häm terrorçı oyışmalarğa qarşı citdi adım yasadılar. Tik xäzer saylawlar yaqınlaşa, säbäplär uylap çığara başladılar. Mitingka, yänäse, 3 ay aldan röxsät alınğan. Moña qadär andıy närsä bulmadı. PKK sezdän 3 ay aldan röxsät alamı? Sez bezneñ andağı partiyägä dimim, ictimağıy oyışmalarğa xätta röxsät birmisez. Zal birmilär. Mondıy mönäsäbät qabul itelä alırmı?”

Ärdoğan Germaniyanıñ bu adımnarın Törkiyäne poçmaqqa qısrıqlarğa mataşu dip bäyäläde.