İlbaşı Soğud Ğaräbstanı patşası belän telefonnan söyläşte

Törkiyä ilbaşı Räcäp Tayyip Ärdoğan Soğud Ğaräbstanı patşası Sälman bin Abdülaziz Al Suud belän telefonnan söyläşte.

İlbaşı idaräse beldergänçä, söyläşüdä Fälästindäge soñğı täräqqiyät’lär turında süz bardı.

Liderlar Ğazzä çik buyında 62 fälästinle şähit bulğan waqıyğalar qarşında möselmannarnıñ urtaq totış kürsätüläreneñ ähämiyätenä basım yasadı.

Alar İslam xezmättäşlek oyışmasınıñ comğa könne İstanbulda uzaçaq çirattan tış cıyılışı xaqında da fiker alıştı.