Staffan de Mistura Törkiyädä
Törkiyä BMOnıň Süriyä maxsus wäkilen qunaq itä
BMOnıň Süriyä maxsus wäkile Staffan de Mistura Törkiyädä.
Törkiyä NATO ğomüm särqätibe Jens Stoltenbergtan soň bu tapqır Misturanı qunaq itä.
BMOnıň Süriyä maxsus wäkile Staffan de Mistura başqala Änkarada söyläşülärdä qatnaşaçaq.
Mistura berençe itep Tışqı êşlär ministrlığı kiňäşçese Ümit Yalçın häm kiňäşçe urınbasarı Sädat Önal belan küreşep söyläşäçäk.
Maxsus wäkil soňınnan Rusiyä başqalası Mäskäw häm İran başqalası Tähranğa baraçaq.
Rusiyä Tışqı êşlär ministrı Sergey Lavrovnıň BMOnıň Süriyä maxsus wäkile Staffan de Mistura belan küreşäçägen açıqladı.
RIA xäbär agentlığı Rusiyä tışqı êşlär ministrlığı räsmi zatlarınnan alğan mäğlümatqa kürä Lavrov Mistura belan comğa könne söyläşü ütkäräçäk.
Söyläşüneň uzaçağı Tışqı êşlär ministrlığı süzçese Mariya Zaxarova tarafınnan da raslandı.
