Arfinlılar, törek xärbilären kürgäç, qorban çaldı

“Zäytün botağı” xäräkäte qısalarında Süriyäneñ terrorçılardan çistartılğan Afrin töbägendä xalıq yañadan imin könnär kürüenä şatlana. PKK/PYD-YPG häm DEAŞlılar kontrole astında yäşägändä balalarnı mäcbüri qorallandıruların, xalıqtan aqça cıyuların häm töbäktän çığarmawların söylilär. Kafer Çil mäxälläsendä yäşäwçe 60 yäş’lärendäge Mäläk Salix beldergänçä, terror oyışmasına kerergä yäisä balasın birergä telämäwçelärgä üterü belän yanağannar. Ul “Zäytün botağı” xäräkäte başlanğaç, xalıqnıñ şul yaqqa taba küçärgä mataşuın añlattı. Ämma terrorçılar kontrol noqtaları yasap yulnı kirtäli. Mäläk Salix törek ğaskärlären awılda kürgäç, niqadär şatlanuların söyläp beterä almıy. “Alar öçen 2 qorban çaldıq. Ğaskär kilde, xäzer qurıqmıybız. Xärbilärneñ monda qalıp, bezne häm cirlärne saqlawın telibez,”-di Salix. 35 yäşendäge Näriman Mostafanıñ qızların terrorçılar alıp kitkän. Ul mäxällädä 40qa yaqın balanı urlawların belderde.  Ber ğailä 2 qızın terrorçılarğa birmäs öçen 4 ay buyı yäşerep totqan.