Ärdoğan Makron belän telefonnan söyläşte
Söyläşüdä Süriyädäge soñğı täräqqiyät’lär häm ike yaqlı mönäsäbätlär turında süz bardı
918557
Törkiyä ilbaşı Räcäp Tayyip Ärdoğan Franśiya ilbaşı Êmmanuêl Makron belän telefonnan söyläşte.
İlbaşı idaräse beldergänçä,söyläşüdä Süriyädäge soñğı täräqqiyät’lär häm ike yaqlı mönäsäbätlär turında süz bardı.
Ärdoğan Makronğa Törek Qorallı Köçläre Süriyäneñ Afrin töbägendä alıp barğan “Zäytün botağı” xäräkäte xaqında mäğ’lümat birde.
Tınıç xalıqnıñ zıyan kürmäwe öçen tiyeşle çaralar kürelüen belderde.
Liderlar Berläşkän Millätlär Oyışması iminlek şurasınıñ Süriyädä rejim qamawı astındağı Könçığış Gutada 30 könlek utnı tuqtatu qararınnan qanäğät’ buluların da citkerde.
Söyläşüdä Süriyä krizisına çişeleş tabu öçen urtaq tırışlıqnıñ ähämiyätenä basım yasaldı.
