”Terror oyışmaların ber-bersennän ayırıp qaramasqa kiräk”

Törkiyä ilbaşı Räcäp Tayyip Ärdoğan Vatikan häm İtaliya säfärennän êlek İtaliyanıñ “La Stampa” gazetına interv’yu birde.

Awrupanıñ “PKK/PYD” terror oyışmasına qarata totışın tänqit’lägän Ärdoğan Awrupa parlamentında küzätelgän ğawğağa da tuqtaldı.

Awrupa häm  Amerika Quşma Ştatlarınıñ “PYD/YPG”ne terror oyışması itep kürmäwe turındağı sorawğa ilbaşı Ärdoğan “Yalğış êşlilär ,çönki “PKK”-“PYD/YPG” arasında bernindi ayırma yuq” dip cawap qaytardı.

Terror oyışmaların ber-bersennän ayırıp qaramaw kiräklegen beldergän Ärdoğan :”Süriyädäge wäzğiyät’ ber terror oyışmasın başqa ber terror oyışması belän yuqqa çığarıp bulmawın kürsätte”,-dide.

Törkiyä ilbaşı “PKK/PYD” terror oyışmasınıñ Afrinda “DEAŞ” terrorçıların da üz safına quşıuın belderde.

Ärdoğan Törkiyäneñ “Färat qalqanı” xäräkäte belän 3 meñ “DEAŞ”lını täêsirsez xälgä kiterüen citkerde.

Törkiyä ilbaşı Räcäp Tayyip Ärdoğan “Färat qalqanı” operaśiyäse belän 130 meñ süriyäleneñ yäşägän cirlärenä kire qaytuın assızıqladı.