"Bez Franśiya tügel, bez töreklӓr"
Mӓwlüt Çavuşoğlu könbatış illӓrenӓ reakśiya belderde
Törkiyӓneñ tışqı êşlӓr ministrı Mӓwlüt Çavuşoğlu terrorçılıqqa qarşı ikeyözle bulğan könbatış illӓrenӓ reakśiya belderde.
Çavuşoğlu Törek qorallı köçlӓreneñ Süriyӓneñ Afrin töbӓgendӓ PKK/KCK/PYD-YPG hӓm DEAŞ terrorçıların tӓêsirsez xӓlgӓ kiterü, dus hӓm qardӓş töbӓk xalqın basım hӓm zolımnan qotqaru öçen başlatqan “Zӓytün botağı” operaśiyaseneñ Törkiyӓgӓ qarağan qurqınıçnı ğına betermӓwen, ӓ Süriyӓdӓ xozur, tınıçlıq, totrıqlılıq urnaştıraçaq hӓm Süriyӓneñ çik buyı hӓm cir bötenlegen saqlayaçaq xӓrӓkӓt buluın ӓytte.
Antaliyaneñ Manavgat ilӓsendӓ çığış yasağan Çavuşoğlu Törkiyӓneñ ber yaqtan üsӓ baruın, ber yaqtan da barlıq qurqınıçlarnı beterӓçӓgen belderde.
PKK/KCK/PYD-YPG hӓm DEAŞ terror oyışmalarınıñ niçek xezmӓttӓşlek başqarularınıñ Afrinda tağın ber qat kürelüen assızıqlağan Çavuşoğlu terrorçılarnıñ xristiyannarnıñ da qullarına mӓcbür qoral tottıruın ӓytte.
Ministr PKK/KCK/PYD-YPGneñ Afrinda barlıq xristiyan balaların mӓcbüri rӓweştӓ Törkiyӓgӓ qarşı suğıştıruın, xristiyannarnıñ malların tartıp aluın, töbӓkkӓ DEAŞ terrorçıların kiterüen, lӓkin xristiyan dönyasınıñ moña bitaraf qaluın ӓytte.
Franśiya ilbaşınıñ süzlӓrenӓ dӓ reakśiya beldergӓn Çavuşoğlu: “Borçılmasınnar, bez Franśiya tügel. Bez töreklӓr,” – dide.
Törek rӓsmi zatlarına Afrika illӓrendӓ söyenülӓren assızıqlağan törek ministrı Törkiyӓneñ humanitar yӓrdӓm mӓs’ӓlӓsendӓ dӓ dönyada ikençe urında buluın ӓytte.
