Ärdoğan Tramp belän telefonnan söyläşte

Törkiyä ilbaşı Räcäp Tayyip Ärdoğan AQŞ ilbaşı Donal’d Tramp belän telefonnan söyläşte.

Amerikanıñ taläbe belän ütkärelgän söyläşüdä Törkiyäneñ Süriyäneñ Afrin töbägendä başlatqan “Zäytün botağı” xäräkäte töp maddä buldı.

İlbaşı idaräse çığanaqları beldergänçä, Ärdoğan Trampqa terrorğa qarşı köräş qısasında “PKK” separatist terror oyışmasınıñ Süriyädäge törkeme “PYD/YPG” gä AQŞnıñ qoral yärdämen tuqtatuı kiräklegen citkerde.

İlbaşı Ärdoğan Törkiyäneñ “Zäytün botağı” xäräkäten xalıqara xoquq nigezendä häm Berläşkän Millätlär Oyışması şartnamäseneñ 51 nçe maddäsendä urın alğan legal’ saqlanu xaqqı belän BMO iminlek şurasınıñ terrorçılıqqa qarşı köräş mäs’äläsendäge qararları nigezendä tormışqa aşırıluına basım yasadı.
 

Ärdoğan Törkiyäneñ üz milli iminlege öçen Afrinnı terrordan arındırunı maqsat itep quyuın belderde.

İke lider Süriyä häm ike yaqlı mönäsäbätlärdä illär arasında xezmättäşlek häm êlemtälärne däwam itterüdä qatği buluların citkerde.