Törek Qorallı Köçläre terror maqsatlarına höcüm itä

Törek Qorallı Köçläre “Zäytün botağı” xäräkäte qısasında  Süriyäneñ Afrin töbägendäge “PKK/PYD-YPG” häm “DEAŞ” maqsatlarına höcüm itä.

Törek Qorallı Köçläre beldergänçä, xäräkättä qatnaşuçı 72 oçqıç 108 terror maqsatın yuqqa çığardı.

Terrorçılar Afrindağı xastaxanälärgä kitergän üle häm yaralı keşelärneñ barısınıñ da “PYD/PKK”lı buluı belderelde.

Törkiyä xärbi oçqıçları “PYD/PKK” basıp alğan Minni xärbi hawa mäydanına da höcüm itte.

Xäräkättä terror oyışmasınıñ tunnel’,nığtma häm suğış kiräk –yarağı saqlağıçları yuqqa çığarıldı.

Bäysez Süriyä armiyäse dä kiñ qırlı operaśiyälärgä kereşte.

Törek Qorallı Köçläre beldergänçä, “Zäytün botağı” xäräkäteneñ töp maqsatı - Törkiyäneñ Süriyä çik buyında häm töbäktä iminlek häm totrıqlılıq täêmin itü, Süriyäneñ tönyaq-könbatışındağı Afrin töbägendä “PKK/KCK/PYD-YPG” häm “DEAŞ” terrorçıların täêsirsez xälgä kiterü .

Kilistä Süriyä çik buyındağı qayber urınnar 15 kön buyı maxsus iminlek töbäge itep iğ’lan itelde.

Törek Qorallı Köçläreneñ “Zäytün botağı” operaśiyäsendä uñışqa ireşüe öçen Törkiyä külämendäge 90 meñ mäçettä doğalar qılındı.