Tışqı êşlär ministrı Bagdatta
Söyläşü kön tärtibendäge töp mäs'älälär - Ğiraq –Törkiyä mönäsäbätläre, Ärbil belän Ğiraq üzäk xökümäte arasında kiyerenkelek
Törkiyä tışqı êşlär ministrı Mävlüt Çavuşoğlu Ğiraq tışqı êşlär ministrı İbrahim Cafärineñ çaqıruı buyınça Bagdatqa kitte.
Säfär qısasındağı oçraşularda töbäktäge täräqqiyät’lär , Bagdat belän uzğan yılnıñ 25 nçe sentyabrendä bäysezlek referendumı ütkärgän Ğiraq körd regional’ citäkçelege arasındağı kiyerenkelek tä söyläşeläçäk.
Çavuşoğlu Cafäri belän küreşkännän soñ urtaq matbuğat oçraşuı ütkäreläçäk.
Törkiyä tışqı êşlär ministrın Ğiraq prem’yer-ministrı Haydar äl-İbadi häm Ğiraq wäkillär palatası başlığı Sälim äl-Cuburi qabul itäçäk.
Söyläşülärdä Ğiraq –Törkiyä mönäsäbätläre dä kön tärtibendä bulaçaq.
Qanunsız referendumnan soñ Ärbil belän Ğiraq üzäk xökümäte arasında kiyerenkelek artqannan soñ Çavuşoğlu Törkiyäneñ aradaşçılıq başqara alaçağın beldergän ide.
Mävlüt Çavuşoğlu Ğiraqtağı räsmi oçraşularınnan soñ törekmän säyäsätçelär belän dä küreşäçäk.
