Pentagonnan terror ğaskäre belderüe

Amerika Quşma Ştatları saqlanu ministrlığı Pentagon güyä "Süriyä çik buyı iminlege köçe" mäs’äläsendä Törkiyäneñ borçıluların añlawların alğa sörde.

Ministrlıqtan yasalğan belderüdä mäs’äläneñ Törkiyä belän söyläşelüe äytelde.

“Pentagon” süzçese Êrik Pahon: "Xäzerge waqıtta öyrätelgän çik buyı iminlek köçenä qağılışlı Törkiyäneñ borçıluların añlıybız häm NATO berlektäşebez Törkiyä belän daimi yaqın êlemtäbez bar”, - dip äytte.

“PYD/PKK” separatist terror oyışması êlementları belän tözeläçäk güyä “çik buyı iminlek köçe” mäs’äläsendä söyläşülär buldımı, yuqmı digän sorawğa Pahon: "AQŞ xökümäte räsmiläre belän Törkiyä xezmättäşläre arasında ütkärelüçe söyläşülärneñ teması näq menä şuşı inde”, - dip cawap birde.

Söyläşülärneñ neçkäleklärenä kerep tormayaçağın assızıqlawçı Pahonnıñ açıqlawında "uylanma çik buyı iminlek köçe” süzlären qullanuı da iğtibarnı cälep itte.

Pahon ayıruça mäs’äläneñ Pentagonnıñ kön tärtibendä buluın citkerde.

Pentagonnan başqa ber räsmi zat ta qısqa waqıt êlek Törek qorallı köçläreneñ terrorçılardan arındırırğa äzerlägän Süriyäneñ Afrin töbägendä “PKK /PYD” separatist terror oyışması törkemnären yaqlamawların alğa sörgän ide.