Tışqı êşlär ministrı AQŞta

Törkiyä tışqı êşlär ministrı Mävlüt Çavuşoğlu Amerika Quşma Ştatlarınıñ “Fätullahçı terror oyışması” belän bäyle totışın tänqit’läde.

Çavuşoğlu AQŞ säfäre qısasında Los – Andjeles qalasında Törkiyä watandaşları belän oçraştı.

Üz çığışında tübändägelärne citkerde: “Fätullahçı terror oyışması”nıñ xain oyışma buluın böten dönya añladı. AQŞta monı ber kön añlar dip ömetlänäbez. Qızğanıç, bügengä qadär Amerikadan telängän yaqlawnı kürä almadıq. Kire qaytarıp birü taläplärebez cirenä citkerelmäde, tikşerü başlatılmadı”.

Törkiyä – Amerika mönäsäbätlärenä dä tuqtalğan Çavuşoğlu bolay dide:”Amerika Quşma Ştatları – bezneñ iñ möhim berlektäşlärebezdän berse. “FETÖ” häm AQŞnıñ “PYD”ğa qoral birü mäs’äläläre arqasında mönäsäbätlärebezdä kiyerenkelek küzätelä. Alarnı dialog yulı belän çişärgä tırışabız”.

 Süriyädäge soñğı täräqqiyät’lärgä dä tuqtalğan Çavuşoğlu Süriyä mäs’äläsendä Törkiyäneñ zur rol’ uynawın assızıqladı.

Çavuşoğlu Ğiraqtağı soñğı wäzğiyät’kä dä bäyä birep, biredäge problemanı çişü öçen ike yaqnıñ da Törkiyäneñ aradaşçı buluın teläwlären citkerde.