"Törkiyä ışanıçlı partnyer bulırğa dӓwam itӓçӓk"

Tışqı êşlӓr ministrı Mӓwlüt Çavuşoğlu Awrupa Berlegeneñ texnik dӓrӓcӓdӓ genӓ alıp barıluı zarur barlıq ӓğzalek söylӓşülӓren sӓyӓsilӓşterüne hӓm qayber başçalarda küzӓtelüçe sӓyӓsi hӓm yasalma kirtӓlӓrne beterüe kirӓklegen ӓytte.

Çavuşoğlu italiyan “Eastwest” jurnalına birgӓn interv’yuda kön tӓrtibe belӓn bӓyle açıqlawlar yasadı.

Törkiyӓneñ tışqı sӓyӓsӓtendӓ Awrupa Berlege belӓn mönӓsӓbӓtlӓr hӓm söylӓşü barışına strategik ӓhӓmiyӓt birüen açıqlağan Çavuşoğlu berlekkӓ quşılu barışın tӓmamlaw mӓs’ӓlӓsendӓ haman da tӓwӓkkӓl buluların hӓm bu qısada Awrupa Berlegennӓn ӓlege tırışlıqlarnı cawapsız qaldırmawın ömet itülӓren belderde.

Ministr Çavuşoğlu Törkiyӓneñ dönyada 17nçe hӓm Awrupada 6nçı iqtisad buluın, hӓrkemneñ diyӓrlek Törkiyӓneñ 21nçe ğasırnıñ üsep kilüçe köçlӓre arasında buluın uylawın assızıqladı.

Törkiyӓ tışqı sӓyasӓteneñ “İldӓ solıx, dönyada solıx” nigezendӓ tözelüenӓ basım yasağan Çavuşoğlu Törkiyӓneñ regional’ hӓm xalıqara mӓs’ӓlӓlӓrneñ çişeleşendӓ rol’ uynawın belderde.

Çavuşoğlu: “Törkiyӓ İtaliya da urın alğan dus hӓm berlektӓş illӓr öçen köçle hӓm ışanıçlı partnyer bulırğa dӓwam itӓçӓk,” – dide.