Yıldırım: “Soğud Ğaräbstanı belän êlemtälär tağın da artaçaq”

Premyer-ministr Binali Yıldırım, Törkiyä häm Soğud Ğaräbstanınıñ daimi tınıçlıq öçen ike töp il buluın belderep: "Bu ike ilneñ här mäs’älädä bergä êşläwe ber ük waqıtta regional’ häm global’ tınıçlıq cähätennän dä zaruri”, - dip äytte.

Binali Yıldırım Patşa Soğud patşalığı qunaq yortında jurnalistlarğa yasağan belderüendä Soğud Ğaräbstanına qısqa, ämma näticäle säfär yasawın belderde.

İlgä berençe tapqır kilgändä Soğud Ğaräbstanı patşası Sälman bin Abdülazizneñ üzen qabul itüen, annan soñ täxet warisı prinś häm saqlanu ministrı Möxämmäd bin Sälman belän oçraşuın belderüçe Yıldırım Sälman belän häm qara-qarşı, häm dä wäkilleklärara söyläşü ütkärüen äytte.

Bu söyläşülärdä kübräk ike mäs’älägä tuqtalıp uzuların assızıqlawçı Yıldırım bolardan berençeseneñ regional’ mäs’älälär buluın belderde.

Ğiraq (Ğıyraq), Süriyä, Fälästin, İzrail mäs’äläse, Yämändä xökem sörüçe watandaşlar suğışı, butalçılıqlar häm Liviyadağı täräqqiyätlär belän ber rättän böten töbäk belän bäyle wazğiyätne tikşerülären häm bäyä birülären añlatuçı Yıldırım bu mäs’älälärdäge çişeleş yulların, başqarıluı zarur bulğannarın söyläşülären añlattı.

Törkiyä häm Soğud Ğaräbstanı arasındağı ike yaqlı mönäsäbätlärne dä quzğatuların belderüçe Yıldırım: "İke yaqlı mönäsäbätlärebezne tağın da alğa taba niçek itep alıp bara alırbız, nindi ölkälärdä xezmättäşlek forsatlarıbız bar, bolarnı da häryaqlap qarap çıqtıq. Bigräk tä ike yaqlı säwdäbezneñ tağın da üsterelüe, saqlanu sänäğätendä urtaq proyektlarnıñ tormışqa aşırıluı kebek mäs’älälärne qaradıq”, – dip äytte.

Yıldırım, yaqın waqıtta täxet warisı prinś Sälmannıñ Törkiyägä kiläçägen belderep, ike yaqlı säfärlärneñ däwam itäçägen, ike il arasındağı mönäsäbätlärneñ tağın da artaçağın äytte.