"Törek ğaskӓriye tınıçlıqqa xezmӓt kürsӓtte"

Binali Yıldırım Törek ğaskӓriyeneň Koreya suğışında regional’ hӓm global’ tınıçlıqqa xezmӓt kürsӓtüen ӓytte.

Yıldırım Könyaq Koreyadağı rӓsmi söylӓşülӓreneň berençe tuqtalışı bulğan Busan şӓhӓrendӓ törek şӓhitlӓr ziratına bardı.

Busanda Koreya suğışı istӓlegenӓ BMO tarafınnan tözelgӓn BMO yӓdqar’legendӓge törek şӓhitlӓr ziratına barğan Yıldırım kӓnӓfer çӓçӓge quydı.

Şӓhitlӓr öçen Qor’ӓn dӓ uqıldı.

Premyer-ministr Yıldırım Koreya Suğışında yaqtı dönyadan kitkӓn BMO Küp millӓtle köçenӓ bӓyle 40 meň 896 ğaskӓrineň isemnӓre yazılğan İstӓlek diwarına da bardı.

Koreya suğışında ğomere özelgӓn BMOnıň Küp millӓtle köçe ğaskӓrilӓre cirlӓngӓn Busandağı ziratta AQŞ, Angliya, Törkiyӓ, Awstraliya, Kanada, Franŝiya, Hollandiya, Norvegiya kebek şaqtıy ildӓn kilgӓn ğaskӓrilӓrneň qaberlӓre bar.

BMOnıň çaqıruı belӓn bu ilgӓ iň küp ğaskӓri cibӓrgӓn illӓrdӓn Törkiyӓneň 1950-1953 yılğı Koreya suğışında birgӓn 721 şӓhittӓn 462ese bu ziratta yata.

Ziratta suğış waqıtında yuğalğan hӓm mӓyete tabılmağan ğaskӓrilӓrneň isemnӓre yazılğan istӓlek diwarı da bar.

Törkiyӓ premyerı Busan şӓhӓrendӓge söylӓşülӓrennӓn soň başqala Seulğa kitte.