Terrorğa qarşı köräş xisabı

Törkiyä êçke êşlär ministrlığı il külämendä soňğı 1 atnada alıp barılğan terrorğa qarşı köräş operaŝiyäläre xaqında mäğ’lümat birde.

 Älege mäğ’lümatlardan kürengänçä, operaŝiyälärdä “PKK” separatist terror oyışmasınıň 44 terrorçısı täêsirsez xälgä kiterelde.

Şulay uq Muş,  Bitlis,  Diyarbakır,  Ärzincan,  Tuncäli häm Hakkarida terrorçılarnıň sıyınu urınnarı häm mäğarälär qullana almaslıq xälgä kiterelde.  

Bu sıyınu urınnarı häm mäğarälärdä terrorçılar qış öçen äzerlägän yaqınça 2 tonna azıq-tölek tä yuqqa çığarıldı.

Operŝiyälärdä küp sanda qoral qulğa töşerelde.

Şulay uq şaqtıy külämdä narkotik,qanunsız yullar belän kertelgän tämäke häm sıyıq yağulıq konfiskaŝiyälände.

Terror oyışması propagandası alıp barğan , bu oyışmalarnı maqtağan ,xalıqnı näfrät häm doşmanlıqqa öndägän , däwlät räsmi zatların mısqıllağan , däwlätneň bötenlege häm cämğiyät’neň iminlegenä qurqınıç tudırğan , näfrät êçtälekle 446 soŝial’ media iyäse belän bäyle tikşerülär ütkärelde häm 158 keşegä cinayät’ êşe quğatıldı.

Operaŝiyälärdä 532 se diňgezlärdä bulu belän bergä 4 meň 822 qaçaq totqarlandı.