"Viza krizisı borçuğa saldı"

Törkiyӓ ilbaşı Rӓcӓp Tayyip Ӓrdoğan Amerika Quşma Ştatları belӓn barlıqqa kilgӓn viza krizisı arqasında borçıluın ӓytte.

Rӓsmi sӓfӓr belӓn Ukrainağa kitkӓn Ӓrdoğan dӓwlӓt başlığı Petro Poroşenko belӓn matbuğat oçraşuı oyıştırdı.

Törkiyӓ ilbaşı Törkiyӓ belӓn AQŞ arasında viza birü êşlӓreneň tuňdırıluı belӓn bӓyle bularaq: “Bu qarar borçuğa sala. Yӓgni Ӓnkarada Amerikan ilçeseneň mondıy qararnı qabul itep, ğamӓlgӓ kertüe borçıldıra. Tışqı êşlӓr ministrlığıbız rӓsmi zatları monı işetkӓç kirӓkle nӓrsӓlӓrne başqardı.”

Ӓrdoğan tübӓndӓgeçӓ dӓwam itte: “Törkiyӓ xoquq dӓwlӓteder. Bar nӓrsӓdӓn êlek bez qabilӓ tügel, qabilӓ dӓwlӓte dӓ tügel. Alar açıqlağan tekstnı bezneň Amerikadağı ilçebez da şunduq açıqladı.”