“Viza kiyerenkelegen Törkiyä başlatmadı”

Törkiyä ilbaşı Räcäp Tayyip Ärdoğan Serbiyada räsmi oçraşularda qatnaşqannan soň ilbaşı Aleksandr Vuçiç belän matbuğat oçraşuı ütkärde.

Ärdoğan Törkiyä belän AQŞ arasındağı kiyerenkelekkä bäyä birep:” Problemanı bez tügel, AQŞ başlattı. Änkaradağı tulı wäqalätle ilçeneň vizalarnı tuňdıru qararı qabul itüe ,annan soň “Min monı däwlätem isemennän êşlädem” dip äytüe bezne uyğa sala. İlçe berüze genä mondıy qarar qabul itsä ,anı anda totmaw zarur. Sin “Törkiyä – Amerika mönäsäbätlären niçek bozarsıň ,siňa mondıy wäqalätne kem birde”dip äytüläre kiräk. Ägär bu êşneň artında AQŞ citäkçelege bar ikän ,bezneň alar belän söyläşerlek süzebez yuq. AQŞnıň İstanbuldağı baş konsullığında êşläwçe xezmätkär qulğa alına,xökemgä tartıla häm saq astına alına. Soňraq baş konsullıqtağı tağın ber keşeneň “Fätullahçı terror oyışması” belän bäyläneşe buluı açıqlana. Bu da anda problema buluın kürsätä. Bu agentlar AQŞ konsullığına niçek ütep kergän? Yäisä alarnı anda kem urnaştırğan? Törkiyä ilçese mondıy närsä êşläsä anı ul wazıyfasında 1 säğät’ tä totmam. Amerika Quşma Ştatlarınıň Änkaradağı tulı wäqalätle ilçese Djon Bass xäzer härkem belän sawbullaşa. Min dä, ministrlar da anıň sawbullaşırğa kilüen qabul itmibez. Çönki anı AQŞnıň wäkile itep kürmibez”,-dide.