Ärdoğan Tramp belän küreşäçäk

Berläşkän Millätlär Oyışmasınıñ 72nçe ğomum şurasında (general’ assambleyasında) qatnaşu öçen New - Yorkta bulğan ilbaşı Räcäp Tayyip Ärdoğan 21 nçe sentyabr’dä Amerika Quşma Ştatları ilbaşı Donal’d Tramp belän küreşäçäk.

Oçraşuda ike il arasında ozaq waqıt däwam itkän häm fiker ayırmaları bulğan mäs’älälärneň qaraluı kötelä.

 İke il kileşä almağan mäs’älälär arasında AQŞnıň “PKK” separatist terror oyışmasınıň Süriyädäge törkeme “PYD/YPG”ga qoral cibärü dä bar.

Ğiraq körd regional’ citäkçelegeneň 25 nçe sentyabr’dä ütkärüe planlaştırğan referendum da söyläşü kön tärtibendä urın alaçaq.

Vaşington citäkçelegennän “Fätullahçı terror oyışması” häm anıň citäkçese belän bäyle xökemgä tartu barışın başlatu häm kire tapşıru da taläp iteläçäk.

Törkiyä ilbaşı Trampqa M’yanma armiyäseneň häm millätçe buddaçılarnıň arakanlı möselmannarğa qarata qırıslıq waqiğaları xaqında mäğ’lümat biräçäk.