İran ministrı Änkarada

Änsari Törkiyä räsmiläre belän töbäktäge soñğı täräqqiyätlärne häm Süriyä temalı xalıqara Astana tınıçlıq söyläşüläre barışına qağılışlı kiñäşmälär ütkärü öçen atnakiçen irtä belän Änkarağa kilde.

Änsarineñ Törkiyä säfäre Rusiyädäge oçraşularınnan soñ yasala. Ministr urınbasarı Änsari ike kön êlek Mäskäwdä qayber Rusiyä räsmiläre belän Süriyä häm töbäktäge täräqqiyätlärne söyläşkän ide.

Rusiyä, Törkiyä häm İran Astana barışında garant öç il bulıp, bu barışnıñ yaña turı yaqın waqıtta İran başqalası Tähranda uzaçaq.

Astana barışı Törkiyä İlbaşı Räcäp Tayyip Ärdoğan häm Rusiyä Federaśiyäse Däwlät başlığı Vladimir Putinnıñ dekabr’ urtasında ütkärgän telefon söyläşüendä Süriyäle taraflarnı cıyaçaq cıyılışnıñ Qazaqstan başqalası Astanada uzdırıluı mäs’äläsendä urtaq fikergä kilüe belän başlağan ide.